Odama aeleza kilichompa umaarufu

humph the GREAT
   
STAA wa filamu Bongo, Jennifer Kyaka ‘Odama’ amefunguka kuwa ‘ukauzu’ wa kufanya jambo bila kumhofia mtu ndio umemfanya afike mbali kimaisha.
Akizungumza na Amani hivi karibuni, Odama alisema kuwa kuna watu wengi hasa mastaa wanaogopa macho ya watu hivyo hata kama wapo kwenye shida fulani wanajivunga tu na kujisababishia matatizo mengine kwa kushindwa kuikubali au kuipokea hali ambayo wanakutana nayo kwa kipindi hicho.
“Mimi jamani ningekuwa naogopa macho ya watu basi nisingesonga mbele kabisa lakini sikujali na hata nikianguka siangalii mtu ameniangaliaje, napambana kuinuka upya,” alisema Odama.
Mrembo huyo ni miongoni mwa warembo wachache Bongo ambao wanamiliki kampuni binafsi ya kuzalisha filamu, kampuni yake inaitwa J-Film 4 Life.